"Barselona" ən çox maaş alan futbolçusu ilə bağlı qərar verdi

"Barselona" yarımmüdafiəçisi Frenki de Yonqun gələcəyi ilə bağlı qərarını verib.

Qol.az "Sky Sports"a istinadən xəbər verir ki, 27 yaşlı futbolçu karyerasını Kataloniya klubunda davam etdirəcək.

Komandanın yeni baş məşqçisi Hans-Diter Flik yeni mövsümdə yarımmüdafiəçiyə ümid edir. Xəbərdə bu da qeyd olunur ki, De Yonq İspaniya La Liqasında ən çox maaş alan oyunçudur. 

O, vergilər çıxılmadan illik 40 milyon avro qazanır.

Qeyd edək ki, ötən mövsüm Frenki bütün turnirlərdə 30 matça çıxıb, 2 qol vurub. Onun klubla hazırkı müqaviləsi 2026-cı ilin yayına kimi nəzərdə tutulub.