Ronaldo növbəti qolunu vurdu

Portuqaliya millisinin kapitanı Kriştiano Ronaldo "Əl-Nəsr"də növbəti qolunu vurub.

Qol.az xəbər verir ki, 39 yaşlı hücumçu Səudiyyə Ərəbistanı çempionatının 2-ci turunda "Əl-Feyha"ya 4:1 hesabı ilə qalib gəldikləri matçda fərqlənib. O, 45+10-cu dəqiqədə cərimə zərbəsindən qol vurub.

Bu Ronaldonun bu mövsüm Səudiyyə Ərəbistanı çempionatında ardıcıl 2-ci, ümumilikdə isə ardıcıl 4-cü qolu olub.

Futbol karyerasında isə vurduğu qolların sayını 899-a çatdırıb.