Messi milliyə çağırılmadı

"İnter Mayami"nin futbolçusu Lionel Messi  DÇ-2026-nın seçmə mərhələsinin iki oyunu üçün Argentina millisinin heyətinə daxil edilməyib.

Qol.az xəbər verir ki, yekun ərizəni Argentina Futbol Federasiyasının mətbuat xidməti dərc edib. Siyahıda ümumilikdə 28 futbolçu yer alıb.

Bildirilir ki, hücumçu Amerika Kubokunun finalında Kolumbiya ilə oyunda zədələndikdən sonra sağalmayıb.

Argentina Çili və Kolumbiya millisi ilə qarşılaşacaq.

Altı turun yekunlarına görə, Argentina millisi 15 xalla seçmə qrupa başçılıq edir.