Tanınmış həkim generalın klinikasını məhkəməyə verdi - Əmək haqqı tələb edir
"Medistyle" (MediStyle Hospital) Məhdud Məsuliyyətli Cəmiyyəti (MMC) barəsində məhkəməyə şikayət edilib.
Qaynarinfo-nun məlumatına görə, tanınmış anestezioloq-reanimatoloq Hacı-Həsənli Zəfər İsmayıl oğlu "MediStyle Hospital"dan əmək haqqını ala bilmədiyi üçün Nərimanov Rayon Məhkəməsində "Əmək haqqı tələbi" üzrə iddia qaldırıb.
İşə hakim Səbinə Nuriyevanın sədrliyi ilə baxılacaq.
Zəfər Hacı-Həsənli
Qeyd edək ki, Zəfər Hacı-Həsənli 2010-2014 illər Mərkəzi Gömrük Hospitalında, 2014-ci ildən isə "MediStyle Hospital"da anestezioloq-reanimatoloq işləyib.
Xatırladaq ki, fövqəladə hallar nazirinin müavini, tibb xidməti general-leytenantı Faiq Tağı-zadəyə məxsus olduğu deyilən "MediStyle Hospital"a uzun müddət onun bacısı oğlu İmran Ağayev rəhbərlik edib. O, həmçinin klinikanın təsisçisidir. Hazırda "MediStyle" MMC-nin qanuni təmsilçisi klinikada uroloq-androloq vəzifəsində işləyən Ramil Əhmədov Famil oğludur.
Xəbərə reaksiyanız necə oldu?
